ԱՄՆ-ը սկսել է մտածել B-52 ռազմավարական ռմբակոծիչների փոխարինման մասին

ԱՄՆ ռազմաօդային ուժերը նախատեսում են սկսել նոր սերնդի ծանր ռազմավարական ռմբակոծիչի որոնումը, որը ապագայում կփոխարինի հնացող B-52 Stratofortress ինքնաթիռներին։ Այս մասին հայտնում է TWZ պարբերականը։

Չնայած ԱՄՆ-ը նախատեսում է արդիականացված B-52-ները շահագործել առնվազն մինչև 2050-ական թվականները, այդ ժամանակ ամենանոր ինքնաթիռը կլինի արդեն 88 տարեկան։ Պարբերականը նշում է, որ ամերիկացի զինվորականների շրջանում նույնիսկ տարածված է դարձել «հավերժական B-52»-ի մասին կատակները։ Սակայն Վաշինգտոնում արդեն սկսել են մտածել դրանց փոխարինողի մասին։

2027 ֆինանսական տարվա բյուջետային հայտում ԱՄՆ ռազմաօդային ուժերը մեկ միլիոն դոլար են խնդրել՝ նոր ծանր ռմբակոծիչի հնարավոր տարբերակների ուսումնասիրության համար։ Նյութում նշվում է, որ ապագա ինքնաթիռի կոնկրետ պահանջները դեռ չեն հրապարակվել, սակայն հնարավոր տարբերակներից մեկը կարող է լինել թևի և ֆյուզելյաժի միաձուլված կառուցվածքով ինքնաթիռը, որը կունենա ավելի ցածր նկատելիություն և մեծ սպառազինության խցիկներ։