«Բորնմութի» ֆուտբոլիստին կասկածում են անչափահաս աղջկա հետ շփումների մեջ

Անգլիական AFC Bournemouth ակումբի պաշտպան Alex Jimenez-ը հայտնվել է սկանդալի կենտրոնում՝ անչափահաս աղջկա հետ շփումների վերաբերյալ հրապարակումների պատճառով։ Այս մասին հայտնում է Marca-ն։

Ակումբը պաշտոնական հայտարարությամբ նշել է, որ տեղյակ է սոցիալական ցանցերում տարածված տեղեկություններից և սկսել է ներքին հետաքննություն։ Նշվում է, որ 20-ամյա ֆուտբոլիստը նամակագրական կապ է ունեցել 15-ամյա աղջկա հետ և ակնարկներ արել հնարավոր հանդիպման մասին։ «Բորնմութը» նաև հայտնել է, որ խաղացողը չի ընդգրկվի թիմի հայտացուցակում «Ֆուլհեմի» դեմ Անգլիայի առաջնության մայիսի 9-ի խաղի համար։

Ալեքս Խիմենեսը համարվում է Մադրիդի Real Madrid-ի սան։ Մինչ «Բորնմութ» տեղափոխվելը նա հանդես էր գալիս AC Milan-ում, որի կազմում նվաճել էր Իտալիայի Սուպերգավաթը։