Թրամփը հայտարարել է ՉԹՕ-ների վերաբերյալ փաստաթղթերի հրապարակման մասին
ԱՄՆ
ԱՄՆ նախագահ Դոնալդ Թրամփը հայտարարել է, որ Պենտագոնը հրապարակել է չճանաչված թռչող օբյեկտների (ՉԹՕ) և չճանաչված օդային երևույթների վերաբերյալ փաստաթղթերի առաջին փաթեթը՝ հանրային ուսումնասիրության համար։
Թրամփի խոսքով՝ իր վարչակազմը որոշել է առավելագույն թափանցիկություն ապահովել այլմոլորակային կյանքի և արտաերկրային երևույթների թեմայի շուրջ։ Այդ նպատակով նա հանձնարարել է բացահայտել և հրապարակել համապատասխան պետական փաստաթղթերը։
«Ինչ վերաբերում է ձեզ տված իմ խոստմանը, ապա Պաշտպանության նախարարությունը հրապարակել է ՉԹՕ-ների և չճանաչված օդային երևույթների վերաբերյալ փաստաթղթերի առաջին փաթեթը։ Լիարժեք թափանցիկության նպատակով ես հանձնարարել եմ իմ վարչակազմին հրապարակել այլմոլորակային կյանքի և արտաերկրային երևույթների հետ կապված պետական նյութերը»,- ասել է ԱՄՆ նախագահը։
Նա նշել է, որ նախորդ վարչակազմերը չեն ապահովել բավարար թափանցիկություն այս հարցում, մինչդեռ այժմ հանրությունը հնարավորություն կունենա ինքնուրույն գնահատել հրապարակված նյութերը։
«Այս նոր փաստաթղթերի և տեսանյութերի շնորհիվ մարդիկ կարող են իրենք որոշել՝ ի վերջո ի՞նչ է կատարվում։ Զվարճացեք և հաճույք ստացեք»,- հավելել է Թրամփը։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
