Սպառողների իրավունքները պաշտպանող կազմակերպությունների ժողով

Հայաստանի Հանրապետության Կենտրոնական բանկը տեղեկացնում է.

«Ի կատարումն «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» ՀՀ օրենքի 34-րդ հոդվածի 3-րդ մասի պահանջների՝ հրապարակում ենք հայտարարություն առ այն, որ՝

Համաձայն հիշյալ օրենքի՝ «Հայաստանի ավտոապահովագրողների բյուրո» ԻԱՄ (այսուհետ՝ Բյուրո) խորհրդի մեկ անդամ ընտրում են սպառողների իրավունքները պաշտպանող, առնվազն երեք տարվա պետական գրանցում ունեցող կազմակերպությունները՝ իրենց միջև ձեռք բերված պայմանավորվածությամբ՝ երկու տարի ժամկետով:

Այդ ընտրությունը կատարելու նպատակով ՀՀ կենտրոնական բանկը սույն թվականի փետրվարի 21-ին ժամը 10:00-ին ՀՀ կենտրոնական բանկի շենքում՝ ք. Երևան, Վ. Սարգսյան 6 հասցեում, կազմակերպում է ժողով:

Բոլոր այն կազմակերպությունները, որոնք բավարարում են վերոհիշյալ պահանջներին և ցանկանում են մասնակցել ժողովին, պետք է մինչև սույն թվականի փետրվարի 18–ը այդ մասին գրավոր հայտ ներկայացնեն ՀՀ կենտրոնական բանկ՝ հայտին կցելով պետական գրանցման վկայականի և կանոնադրության պատճենները:

Այն կազմակերպությունները, որոնք հիշյալ ժողովում ընտրվելու համար մտադիր են ներկայացնել Բյուրոյի խորհրդի անդամի թեկնածու, հայտին պետք է կցեն նաև այդ թեկնածուի անունը և ազգանունը, տեղեկություններ նրա կրթության և աշխատանքային փորձի վերաբերյալ, փոխկապակցվածությունը Բյուրոյի անդամների հետ (բացակայության դեպքում՝ նշում փոխկապակցվածության բացակայության մասին), նրան առաջադրող Բյուրոյի անդամի (անդամների) անվանումը (անվանումները) և վերջինի (վերջինների) հավաստումն առ այն, որ ներկայացված թեկնածուներն իրենց մասնագիտական կարողություններով ի վիճակի են ապահովել օրենքով և դրա հիման վրա ընդունված իրավական այլ ակտերով սահմանված խորհրդի լիազորությունների պատշաճ իրականացումը և առկա չեն Բյուրոյի կանոնադրության 123-րդ կետով սահմանված սահմանափակումները»: