Բժիշկը նշել է թրոմբոզի ռիսկը նվազեցնող մթերքները

Բժիշկ-թերապևտ Նադեժդա Չերնիշովան հայտարարել է, որ որոշ մթերքներ կարող են օգնել արյունը «նոսրացնելու» և նվազեցնել թրոմբոզի վտանգը։ Այս մասին, ինչպես փոխանցում է aif.ru-ն, նա պատմել է առողջապահական թեմայով հարցազրույցում։

Մասնագետի խոսքով՝ արյան բարձր մածուցիկությունը կարող է հանգեցնել լուրջ խնդիրների՝ ներառյալ ինֆարկտն ու ինսուլտը։ Այդ պատճառով նա խորհուրդ է տվել սննդակարգում ավելացնել ավելի շատ թարմ բանջարեղեն, կանաչեղեն և սեզոնային հատապտուղներ։ Չերնիշովան հատկապես առանձնացրել է սև հաղարջը և կեռասը՝ նշելով, որ դրանք օգտակար են անոթների համար։ Նրա խոսքով՝ օգտակար են նաև ազնվամորին, ելակը, հապալասը և այլ հատապտուղներ։

Բացի այդ, բժիշկը խորհուրդ է տվել օգտագործել ավելի շատ սպիտակուցային մթերքներ՝ թռչնամիս, ձուկ, ձու և կաթնամթերք։ Նրա գնահատմամբ՝ այս մթերքները նպաստում են օրգանիզմի բնականոն աշխատանքին և աջակցում արյան շրջանառությանը։ Ավելի վաղ բժիշկ-էնդոկրինոլոգ Անտոն Պոլյակովը խորհուրդ էր տվել շոգ եղանակին հրաժարվել կծու սննդից և ֆասթֆուդից։