Մասնագետը պատմել է, թե ինչպես նվազեցնել այսպես կոչված «ծերության հոտը»
Հասարակություն
Սննդաբան Միշել Սենդսի խոսքով՝ տարիքի հետ մարդկանց մոտ առաջացող յուրահատուկ հոտը հիմնականում կապված է օքսիդատիվ սթրեսի և հորմոնալ փոփոխությունների հետ, այլ ոչ թե հիգիենայի պակասի։
Նա բացատրել է, որ տարիքի հետ մաշկի վրա ավելանում է 2-նոնենալ կոչվող նյութի արտադրությունը, որն առաջացնում է թեթևակի հնացած և յուղոտ հոտ։ Այդ նյութը սովորական լվացմամբ ամբողջությամբ չի վերանում։
Մասնագետը խորհուրդ է տալիս նվազեցնել օքսիդատիվ սթրեսը՝ լավ քնելով, պահպանելով ֆիզիկական ակտիվությունը, սահմանափակելով ալկոհոլը և սննդակարգում ավելացնելով հակաօքսիդանտներով հարուստ մթերքներ։ Օգտակար են համարվում հատապտուղները, կանաչ թեյը, օմեգա-3 ճարպաթթուներով հարուստ ձուկը, ինչպես նաև ծծումբ պարունակող բանջարեղենները՝ բրոկոլին և սխտորը։ Միաժամանակ խորհուրդ է տրվում նվազեցնել շաքարի, տապակած և խիստ վերամշակված սննդի օգտագործումը։
ՈՒՂԻՂ ԵԹԵՐ
Ամենադիտված 
Սամվել Կարապետյանը հանդես կգա ճակատագրական հայտարարությամբ. «Ուժեղ Հայաստան» 
