ՌԴ ՊՆ․ ՀՕՊ-ը մեկ օրում խոցել է 903 անօդաչու սարք և ութ կառավարվող ավիառումբ

Ռուսաստանի պաշտպանության նախարարությունը հայտնել է, որ վերջին մեկ օրվա ընթացքում Ուկրաինայի զինված ուժերը Ռուսաստանի ուղղությամբ կիրառել են կառավարվող ավիառումբեր և ավելի քան 900 անօդաչու թռչող սարք։ Այդ մասին նշվում է գերատեսչության պաշտոնական հաղորդագրությունում։

ՌԴ ՊՆ-ի տվյալներով՝ հակաօդային պաշտպանության համակարգերը մեկ օրում խոցել են ութ կառավարվող ավիառումբ և 903 ինքնաթիռային տիպի անօդաչու թռչող սարք։

Գերատեսչությունը հարձակման հետ կապված այլ մանրամասներ չի ներկայացրել։

Ավելի վաղ հաղորդվել էր, որ հուլիսի 7-ի լույս 8-ի գիշերը ռուսական հակաօդային պաշտպանության միջոցները խոցել են մի քանի հարյուր ուկրաինական անօդաչու թռչող սարք։ Ռուսաստանի տվյալներով՝ զանգվածային հարձակման ընթացքում թիրախավորվել են երկրի 18 շրջաններ, այդ թվում՝ Ղրիմը, Թաթարստանը, ինչպես նաև Լիպեցկի, Վլադիմիրի, Վոլոգդայի, Ռյազանի մարզերը, Մոսկվայի շրջանը և Կրասնոդարի երկրամասը։