Տնտեսագետը գնահատել է՝ կհասնի՞ արդյոք դոլարի փոխարժեքը 100 ռուբլու

Տնտեսագետ Տաիսիա Վեպրենցևան կարծում է, որ մինչև տարեվերջ ԱՄՆ դոլարի փոխարժեքի՝ 100 ռուբլու հասնելը քիչ հավանական է։ Այդ մասին նա հայտնել է «Պրայմ» գործակալությանը։

Նրա խոսքով՝ ներկայիս՝ շուրջ 76 ռուբլի փոխարժեքից մինչև 100 ռուբլի բարձրանալու համար դոլարը պետք է թանկանա գրեթե 30 տոկոսով, ինչը համապատասխանում է ոչ թե հիմնական, այլ առավել բացասական սցենարին։

Փորձագետի գնահատմամբ՝ հիմնական կանխատեսմամբ 2026 թվականի վերջում դոլարի փոխարժեքը կարող է կազմել 80-95 ռուբլի։ Իսկ 100 ռուբլու մակարդակը հնարավոր կլինի միայն միաժամանակ մի քանի բացասական գործոնի առկայության դեպքում, այդ թվում՝ նավթի համաշխարհային գների զգալի անկման, պատժամիջոցների խստացման և դրամավարկային քաղաքականության ավելի արագ մեղմացման պայմաններում։

Վեպրենցևան հավելել է, որ առաջիկա երկու-երեք տարիների ընթացքում նման սցենարի հավանականությունն աճում է, ուստի կարևոր է հետևել նավթի գներին, Ռուսաստանի ֆինանսների նախարարության քայլերին և Կենտրոնական բանկի քաղաքականությանը։