Դեպարդիեն կհրաժարվի՞ ռուսական անձնագրից

Հայտնի ֆրանսիացի դերասան Ժերար Դեպարդիեն հայտնվել է լուրջ երկընտրանքի առջև՝ մնա՞լ Ռուսաստանի քաղաքացի, թե՞ դառնալ Բելգիայի ենթակա: Այս մասին հաղորդում են արտասահմանյան լրատվամիջոցները:

Ինչպես պարզվեց, որ 64-ամյա Դեպարդիեն որոշել է չհրաժարվել Ֆրանսիայի քաղաքացիությունից, սակայն միևնույն ժամանակ ուզում է ստանալ նաև Բելգիայինը՝ ապահովության նկատառումներով:

Ընդ որում, ըստ օրենքի՝ դերասանը ստիպված կլինի հրաժարվել Ռուսաստանի քաղաքացիությունից, այլապես նա չի ստանա Բելգիայի քաղաքացու փաստաթղթերը, որտեղ թույլատրվում է ունենալ միայն 2 քաղաքացիությունը, սակայն՝ ոչ 3:

Չնայած այն հանգամանքին, որ Ժերար Դեպարդիեն դեռ չի դիմել Բելգիայի քաղաքացիություն ստանալու համար, այնուամենայնիվ, նա պատրաստվում է անել դա այս ամվա ընթացքում, երբ պաշտոնապես կհրաժարվի ռուսական անձնագրից, հակառակ դեպքում՝ նրա փաստաթղթերը պարզապես չի ընդունի Բելգիայի դեսպանատունը, ինչի մասին դերասանին արդեն հայտնել են Ֆրանսիայի հարևան երկրի պաշտոնական ներկայացուցիչները:

Բացի այդ, Բելգիայի քաղաքացի դառնալու համար Դեպարդիեն պետք է ապրի այդ երկրում և իրականացնի նրա զարգացման համար անհրաժեշտ ծրագրեր:

Հիշեցնենք, որ անցած տարի Դեպարդիեն հայտարարեց իր՝ Բելգիայի տեղափոխվելու որոշման մասին, որպեսզի խուսափի Ֆրանսիայի կառավարության՝ 75% առավելագույն հարկադրում սահմանելու ծրագրից: