2026 թ. 1-ին կիսամյակում քննվել է կոռուպցիոն բնույթի 307 քրեական վարույթ. հրապարակվել են ցուցանիշներ

2026 թվականի 1-ին կիսամյակի ընթացքում կոռուպցիոն բնույթի հանցագործությունների վերաբերյալ քննվել է 307 քրեական վարույթ (2025-ին՝ 508), որից 193-ը փոխանցվել է 2025 թվականից, իսկ 114-ը վարույթ է ընդունվել 2026 թվականի ընթացքում:

307 քրեական վարույթից 21-ը՝ 47 անձի վերաբերյալ մեղադրական եզրակացությամբ ուղարկվել է դատարան (2025-ին՝ 29 վարույթ՝ 72 անձ), 14-ը կարճվել է (2025-ին՝ 71), որից 8-ը` ռեաբիլիտացնող (2025-ին՝ 41), իսկ 6-ը՝ ոչ ռեաբիլիտացնող հիմքով (2025-ին՝ 30), 67 քրեական վարույթ (2025-ին՝ 121) ուղարկվել է այլ մարմին, 25-ը` միացվել է (2025-ին՝ 29), 16-ը հաշվառվել են որպես վարութային և ապացուցողական գործողությունները կատարված (2025-ին՝ 30), 164-ը փոխանցվել է 2026 թվականի 2-րդ կիսամյակ (2025-ին՝ 228):

Կոռուպցիոն բնույթի հանցագործություններով ավարտված քրեական վարույթներով պատճառված գույքային վնասը կազմել է 247 մլն 36 հզր ՀՀ դրամ, որից մինչդատական վարույթի ընթացքում վերականգնվել է 19 մլն 940 հզր ՀՀ դրամը, արգելանք է դրվել 53 մլն 740 հզր ՀՀ դրամ արժողության գույքի վրա: