Վավերագրական ֆիլմ Մեդվեդևի դավաճանության մասին (տեսանյութ)

Youtube-ում հայտնվել է վավերագրական ֆիլմ՝ «Ճնշման խաղեր» անունով, որտեղ ՌԴ նախկին նախագահ Մեդվեդևը մեղադրվում է Լիբիայի հանձնման և ռուսական հետաքրքրություններին դավաճանելու մեջ: Այս մասին գրում է Agence France Press գործակալությունը:

Ֆիլմում նշվում է, որ ՌԴ նախագահ Դմիտրի Մեդվեդևը Լիբիան զիջել է Արևմտյան պետություններին, դրանով դավաճանել է Ռուսաստանի շահերին և մոտալուտ դարձրել էներգետիկ աղբյուրների համար համաշխարհային պատերազմը: Ֆիլմում ներկայացված է հասարակական միտքը՝ բլոգների և ֆորումների հիման վրա: Ֆիլմի հեղինակները Մեդվեդևին մեղադրում են նրանում, որ վերջինս հանդես չի եկել ՄԱԿ-ի անվտանգության խորհրդի պատժամիջոցների դեմ և դրանով իսկ թույլ է տվել ռազմական գործողություններ Լիբիայում: Ֆիլմի մեջ նշվում է, որ Սիրիայի հարցում Ռուսաստանի դիրքորոշումը ավելի ճիշտ է:

Ֆիլմի վերջում ընդհանուր եզրակացության հանգելով` Մեդվեդևը մեղադրվում է Սահմանադրության որոշ կետերի խախտման մեջ: Ֆիլմում որպես փորձագետներ հանդես են գալիս Լիբիայում ՌԴ նախկին դեսպաններ Վլադիմիր Չամովը, Պողոս Ակոպովը, Ալեքսեյ Պոդցերոբը, Գեոքաղաքական խնդիրների ակադեմիայի նախագահ Լեոնիդ Իվաշովը, նախկին վարչապետ Եվգենի Պրիմակովը:

Ֆիլմում ներկայացվել են հատվածներ Մեդվեդևի, Պուտինի, Բարաք Օբամայի ելույթներից: