Դատարանը մերժեց նիստերն առանց Սամվել Կարապետյանի անցկացնելու միջնորդությունը

Սամվել Կարապետյանի դատական նիստերը նրա բացակայությամբ չեն անցկացվի։ Դատարանը մերժել է փաստաբանների միջնորդությունը՝ թույլ տալ նիստերը կազմակերպել առանց «Ուժեղ Հայաստան» կուսակցության առաջնորդի։

Դատավոր Վահե Դոլմազյանը նշել է, որ գործող օրենսդրությունը նման հնարավորություն չի նախատեսում տնային կալանքի տակ գտնվող մեղադրյալի դեպքում։

Միաժամանակ դատարանը գրություն կուղարկի Պրոբացիայի ծառայությանը՝ Կարապետյանին դատական նիստերին ուղեկցելու հարցով։ Փաստաբանները խնդրել են նրան դատարան տեղափոխել սովորական մեքենայով, ոչ թե ոստիկանականով։

Փաստաբանները նաև խնդրել են ժամանակավորապես վերադարձնել Կարապետյանի անձնագիրը՝ գործարքների և նոտարական լիազորագրերի ձևակերպման համար։ Դատարանը նշել է, որ հարցը կքննարկի անհրաժեշտ փաստաթղթերը ներկայացնելուց հետո։