Ինչու է Օլիմպիակոսն ընտրել Թիկնիզյանին

Հունական «Օլիմպիակոսի» ընտրությունն այս ամառ եզրային պաշտպանների հարցում միանգամայն այլ մոտեցում ուներ, ինչի մասին վկայում են Նաիր Թիկնիզյանի և Մարկուս Պեդերսենի տրանսֆերները: Ինչպես նշում է Sport24.gr հարթակը, պիրեյան ակումբը ձեռք է բերել երկու ֆուտբոլիստների, որոնք, ի տարբերություն Ֆրանսիսկո Օրտեգայի և Կոստինյայի, շեշտը դնում են խաղի հարձակողական բաղադրիչի վրա:

Նախորդ եզրայինները հուսալի էին պաշտպանությունում և լավ էին համագործակցում կենտրոնական պաշտպանների հետ, սակայն հարձակողական նախաձեռնությունը, նպատակային փոխանցումներն ու առաջնագծում արդյունավետությունը նրանց ուժեղ կողմը չէին: Այս առումով գլխավոր մարզիչ Խոսե Լուիս Մենդիլիբարի պահանջներին շատ ավելի համապատասխանում են նորեկները:

Ի՞նչ կտա Թիկնիզյանը «Օլիմպիակոսին»

Հարձակողական պրոֆիլ. Հայաստանի հավաքականի ձախ պաշտպանն ու նորվեգացի աջ պաշտպանն այլ տիպի խաղացողներ են։ Նրանք աչքի են ընկնում վառ հարձակողական ոճով, ինչը «Օլիմպիակոսին» խիստ անհրաժեշտ է հատկապես ներքին առաջնությունում՝ խուլ պաշտպանվող թիմերի դեմ խաղերում:

Արագություն և պայթյունավտանգություն. Թիկնիզյանն առանձնանում է մեծ ծավալի աշխատանք կատարելու ունակությամբ, բարձր արագությամբ և խաղային ինտենսիվությամբ:

Ռիսկեր և ապահովագրում. Քանի որ Թիկնիզյանը նախընտրում է խաղալ ավելի բարձր դիրքերում և ակտիվորեն մասնակցել գրոհների զարգացմանը, արագ անցումային փուլերում որոշակի գոտիներ բաց են մնում: Հայ պաշտպանին անհրաժեշտ կլինի թիկունքի ապահովագրում կենտրոնական պաշտպան Լորենցո Պիրոլայի, ինչպես նաև կիսապաշտպանների կողմից: