Կարսում բարձրացվեց Հայաստանի եռագույնը․ 16-ամյա Մհեր Ղարիբյանը՝ միջազգային MMA առաջնության հաղթող

Կարսում անցկացված խառը մենամարտերի (MMA) միջազգային առաջնությունում Հայաստանը ներկայացնող, 54/55 կգ քաշային կարգում հանդես եկող 16-ամյա Մհեր Ղարիբյանը փայլուն ելույթ է ունեցել՝ զբաղեցնելով առաջին հորիզոնականը։

Հայ մարզիկի հաղթանակը առանձնահատուկ նշանակություն է ստացել նաև խորհրդանշական առումով․ պատմական Կարսում անցկացված մրցաշարի մրցանակաբաշխության ընթացքում բարձրացվել է Հայաստանի Հանրապետության եռագույնը։

Մրցաշարին մասնակցել են տարբեր երկրներից ժամանած մարզիկներ։ Մհեր Ղարիբյանը մրցակցային մենամարտում առավելության է հասել Վրաստանը ներկայացնող մարզիկի նկատմամբ և կանգնել պատվո հարթակի ամենաբարձր աստիճանին։

Հայ մարզիկի հաղթանակի ընթացքում Կարսում Հայաստանի դրոշի բարձրացումը ևս մեկ խորհրդանշական դրվագ է դարձել մրցաշարի համար։