«Ռուսաստանում լայնորեն տարածված են խաղաղ ցուցարարների նկատմամբ բռնությունները». Խոդորկովսկի

«ՌԴ նախագահ Վլադիմիր Պուտինը փորձում է վախեցնել ռուսներին խաղաղ ցուցարարներին ձերբակալելու միջոցով` ձգտելով պահել իր իշխանությունը»,- այս մասին նշել է ձերբակալված նախկին նավթային գիգանտ Միխայիլ Խոդորկովսկին: 

Ի պատասխան Reuters գործակալության գրավոր հարցերի, որոնք փոխանցվել են պաշտպանների միջոցով, Ռուսաստանի մեծահարուսներից մեկը՝ Խոդորկովսկին, մեղադրել է Պուտինին քաղաքական ճնշումների մեջ, որոնց միջոցով վերջինս փորձում է վերականգնել իր հեղինակությունը 14 ամիս տևած բողոքներից հետո:

Խոդորկովսկին նշել է, որ այսպիսի փորձերը անհաջողության են մատնված, և Պուտինի ղեկավարման օրոք երկիրը հայտնվել է քաղաքական և տնտեսական լճացման մեջ, ինչպես խորհրդային շրջանի ղեկավար Լեոնիդ Բրեժնևի ժամանակ էր:

«Ներկայիս ռեժիմի ընդդիմությունը աճել է և շարունակվում է աճել, և իշխանությունը պահպանելու համար իշխանության վախերը հաստատուն կերպով ավելանում են»,-նշել է Խոդորկովսկին, որը մեղադրվում էր մուլտի միլիոնների հարկերից խուսափելու, խաբեբայությունների և փողերի լվացումների մեջ: Նա մշտապես մերժել է այս մեղադրանքները և նշել, որ դրանք քաղաքական մոտիվացիա ունեն: 

Խոդորկովսկին նաև ավելացրել է՝ Պուտինի կառավարման երրորդ շրջանը տարբերվում է նրանով, որ մարդիկ վախի պատճառով չեն մասնակցում ցույցերին: «Լայնորեն տարածվել են ցուցարարների նկատմամբ բռնությունները, որոնց ենթարկվում են ոչ միայն ընդդիմության ղեկավարները, այլև սովորական ցուցարարները»: