Մեսսիի կինը, ամուսնու՝ հավաքականից հեռանալու մասին. «Մենք անսահման սիրում ենք քեզ»

Անտոնելլա Ռոկուցոն՝ ֆուտբոլիստ Լիոնել Մեսսիի կինը, արձագանքել է ամուսնու՝ Արգենտինայի ազգային հավաքականից հեռանալու որոշմանը։

«Ի՜նչ մեծ հպարտություն է մեզ համար լինել քո կողքին այս ամբողջ ճանապարհին և տեսնել, թե ինչպես ես իրականացնում քո բոլոր երազանքները։ Դու արժանի ես այս պատմությանը և շատ ավելին։ Մենք անսահման սիրում ենք քեզ»,- սոցիալական ցանցերում գրել է Ռոկուցոն։

Հիշեցնենք, որ Մեսսին նախօրեին սոցիալական ցանցերում հրապարակված գրառմամբ հայտնել էր Արգենտինայի հավաքականից հեռանալու մասին։

Արգենտինայի ազգային թիմի կազմում Մեսսին դարձել է 2022 թվականի աշխարհի չեմպիոն, երկու անգամ նվաճել է Ամերիկայի գավաթը (2021, 2024), հաղթել է Ֆինալիսիմայում (2022), ինչպես նաև արժանացել է 2008 թվականի Օլիմպիական խաղերի ոսկե մեդալին։