40 միլիոն ֆունտանոց գործարքը տապալվել է․ Բալոգունը չի տեղափոխվի «Էվերթոն»

«Էվերթոնի» և «Մոնակոյի» միջև Ֆոլարին Բալոգունի տեղափոխության գործարքը տապալվել է այն բանից հետո, երբ ամերիկացի հարձակվողը բուժզննում անցնելուց հետո փոխել է որոշումը և հրաժարվել է տեղափոխվել անգլիական ակումբ. փոխանցում է BBC Sport-ը։

Բալոգունի բուժզննման ընթացքում խնդիրներ են հայտնաբերվել, ինչից հետո «Էվերթոնն» ու «Մոնակոն» վերանայել են 25-ամյա ֆուտբոլիստի համար նախատեսված նախնական 40 միլիոն ֆունտ ստերլինգ արժողությամբ գործարքի պայմանները։

Տրանսֆերային պատուհանի փակվելուց առաջ՝ ժամը 23։00-ին, ֆուտբոլիստն ու երկու ակումբները ստորագրել էին գործարքի փաստաթուղթը, սակայն Բալոգունը հետագայում հրաժարվել է տեղափոխությունից։

«Էվերթոնը» Բալոգունով հետաքրքրվել էր այն բանից հետո, երբ թիմի հարձակվող Բետոն մշտական պայմանագրով տեղափոխվել էր իտալական «Ֆիորենտինա»։ Անգլիական ակումբը փորձել էր ձեռք բերել նաև «Մանչեսթեր Յունայթեդի» հարձակվող Ջոշուա Զիրկզեին և «Աստոն Վիլայի» հարձակվող Թեմի Աբրահամին, սակայն գործարքները չեն կայացել։

Միաժամանակ «Էվերթոնը» տրանսֆերային վերջին օրը մեկ մրցաշրջանի վարձակալությամբ ձեռք է բերել Ջեք Գրիլիշին «Մանչեսթեր Սիթիից»։ Անգլիացին նախորդ մրցաշրջանն անցկացրել էր «Էվերթոնում» վարձավճարով՝ 20 խաղում դառնալով երկու գոլի և վեց գոլային փոխանցման հեղինակ։

«Էվերթոնը» նաև ավարտին է հասցրել Էյնսլի Մեյթլենդ-Նայլզի տեղափոխությունը ֆրանսիական «Լիոնից»։ Միաժամանակ շոտլանդացի աջ պաշտպան Նեյթան Պատերսոնը մշտական պայմանագրով տեղափոխվել է իտալական «Տորինո»։