«Պրեմիեր լիգայի հարկը» հասել է £20 միլիոնի․ եվրոպական ակումբները մտահոգված են

Անգլիայի Պրեմիեր լիգայում ֆուտբոլիստների տրանսֆերային արժեքները կտրուկ աճել են, ինչի հետևանքով եվրոպական ակումբներն ավելի դժվարությամբ են մրցակցում անգլիական թիմերի հետ․ գրում է BBC Sport-ը։

Այս ամառ Պրեմիեր լիգայի ակումբները միմյանցից ձեռք բերած ֆուտբոլիստների համար միջինը վճարել են £39,4 միլիոն, մինչդեռ արտերկրից եկող խաղացողների միջին արժեքը կազմել է £20,2 միլիոն։ Ֆուտբոլային ֆինանսների մասնագետ Քիրան Մագուայրը սա անվանում է «Պրեմիեր լիգայի հարկ»։

£40 միլիոնից ավելի արժեք ունեցող ներքին տրանսֆերների թիվը վերջին երկու տարում եռապատկվել է՝ 6-ից հասնելով 18-ի։ Համեմատության համար՝ այս ամռանը եվրոպական ակումբների միջև կնքվել է ընդամենը 9 նման գործարք։

Պրեմիեր լիգայի ֆինանսական առավելությունն արտահայտվում է նաև կոնկրետ գործարքներում․ Բրայթոնը Կառլոս Բալեբային «Լիլի»ից գնել էր £23 միլիոնով, իսկ երեք տարի անց վաճառել «Մանչեսթեր Յունայթեդին»՝ £70 միլիոնով։

Մասնագետների կարծիքով՝ Պրեմիեր լիգան աստիճանաբար վերածվում է առանձին ֆինանսական շուկայի, որտեղ անգլիական ակումբները կարող են միմյանց միջև վճարել այնպիսի գումարներ, որոնք եվրոպական այլ առաջնությունների թիմերի համար հաճախ անհասանելի են։