«Էվերթոնի» գլխավոր մարզիչ․ «Էվերթոնի» սեփականատիրոջ հետ երբեք չեմ հանդիպել և չեմ խոսել

«Էվերթոնի» գլխավոր մարզիչ Դևիդ Մոյեսը հայտարարել է, որ 2025 թվականի հունվարին թիմ վերադառնալուց հետո երբեք չի հանդիպել կամ խոսել ակումբի սեփականատեր Դեն Ֆրիդկինի հետ․ փոխանցում է BBC Sport-ը։

«Ոչ»,- կարճ պատասխանել է Մոյեսը լրագրողների հարցին, թե արդյոք վերջին 20 ամիսների ընթացքում հանդիպել կամ զրուցել է Ֆրիդկինի հետ։

Մարզչի խոսքով՝ իր հիմնական կապը «Էվերթոնի» գլխավոր գործադիր տնօրեն Անգուս Քինիրի հետ է, իսկ Ֆրիդկինների ընտանիքի հետ շփումները հիմնականում իրականացվում են Ռիշի Մաջիթիայի միջոցով։

Մոյեսը նաև նշել է, որ ակումբում կառավարման կառուցվածքի հետ կապված դեռ աշխատանք կա անելու։

«Մենք ունենք նոր սեփականատերեր, որոնք դեռ փորձում են հասկանալ ակումբի աշխատանքը։ Կարծում եմ՝ որքան ավելի լավ ճանաչենք միմյանց, այնքան ամեն ինչ կբարելավվի»,- ասել է նա։

Միաժամանակ Մոյեսը հայտարարել է, որ չի պատրաստվում հեռանալ «Էվերթոնից»՝ չնայած ակումբում ստեղծված բարդ իրավիճակին և տրանսֆերային պատուհանի վերջին օրերի իրադարձություններին։