Օլիմպիական եռակի չեմպիոնը վերադառնում է մեծ սպորտ

Վրաստանի խորհրդարանի պատգամավոր, ծանրամարտի օլիմպիական եռակի չեմպիոն Լաշա Տալախաձեն որոշում է կայացրել վերադառնալ մեծ սպորտ։ Մարզիկը հայտարարել է, որ արդեն երկու ամիս է, ինչ ինտենսիվ մարզվում է թիմի հետ, գտնվում է լավ մարզավիճակում և պատրաստվում է պայքարել Օլիմպիական խաղերի ուղեգրի համար, գրում է Sputnik Грузия-ն։

32-ամյա ծանրորդի առաջնային նպատակներից է մասնակցությունը Չինաստանում կայանալիք աշխարհի առաջնությանը, որը կանցկացվի հոկտեմբերի 27-ից նոյեմբերի 8-ը։ Այս մրցաշարը վարկանիշային է Լոս Անջելեսում 2028 թվականին սպասվող հաջորդ Օլիմպիական խաղերի համար, ուստի վրացի մարզիկը մտադիր է հանդես գալ և ձեռք բերել օլիմպիական լիցենզիա։