«48 տարեկանում կարող էի վերադառնալ ֆուտբոլ, բայց «Ռոմային» դավաճանելն անհնար էր»․ Տոտտի

«Ռոմայի» լեգենդ Ֆրանչեսկո Տոտտին պատմել է, որ 48 տարեկանում հնարավորություն է ունեցել վերադառնալ պրոֆեսիոնալ ֆուտբոլ և հանդես գալ «Ջենոայում» կամ «Կոմոյում», սակայն հրաժարվել է։

Տոտտիի խոսքով՝ երկու ակումբներն էլ կապվել են իր հետ և առաջարկել մտածել կարիերան վերսկսելու մասին։ Այդ ժամանակ «Ջենոայի» գլխավոր մարզիչը Ալբերտո Ջիլարդինոն էր, իսկ «Կոմոն» գլխավորում էր Սեսկ Ֆաբրեգասը։

«Սա հորինված պատմություն չէ, այլ մաքուր ճշմարտություն։ Անհավանական է, բայց փաստ»,- ասել է Տոտտին։

Նա նշել է, որ տարիքը պարտադիր չէ խոչընդոտ լինի ֆուտբոլ վերադառնալու համար։ «Դու դառնում ես ավելի դանդաղ, բայց ոտքերդ չեն ծերանում։ Դրանց բոտոքս պետք չէ»,- կատակել է ֆուտբոլիստը։

Տոտտիի խոսքով՝ կարիերան վերսկսելու հարցում առանցքային գործոնը «Ռոման» էր։ «Սպորտային դավաճանությունը տարիք չի ճանաչում․ նշանակություն չունի՝ 18 տարեկան ես, թե 48»,- ընդգծել է «Ռոմայի» լեգենդը։