Պուտինի պատճառով «Ив Роше» կազմակերպությունը կարող է հայտնվել ծուղակի մեջ

2012 թվականի դեկտեմբերին «Ив Роше Восток» կազմակերպության գլխավոր գործադիր տնօրեն Բրյունո Լեպրին ՌԴ հետաքննչական մարմին հայց էր ներկայացրել լիբերալ ընդդիմության ղեկավար Ալեկսեյ Նավալնիի և կրտսեր եղբոր դեմ, որոնք «համոզել են» ֆրանսիական կազմակերպությանը առաքումներ կատարել ավելի բարձր գներով: Ինչպես նշում է ֆրանսիական La Tribune պարբերականը, առաջին հայացքից անմեղ մեղադրանքը տեղավորվում է Նավալնիի հեղինակազրկման արշավի շրջանակներում: Ի պատասխան՝ ռուս ընդդիմության ակտիվիստները Facebook սոցիալական ցանցի միջոցով կոչ արեցին ամբողջ աշխարհի համացանցի օգտատերերին բոյկոտել Ив Роше կազմակերպության արտադրանքը Կրեմլի կողմից նախաձեռնված «քաղաքական հետապնդումներին մասնակցելու» համար: Ինչպես նշում է «Новая Газета» պարբերականը, Ռուսաստանի հետաքննչական մարմնի աշխատակիցներն են պահանջել Ив Роше Восток կազմակերպության ղեկավարներին հայց ներկայացնել, իսկ վերջիններս իրենց մեջ ուժ չեն գտել մերժելու համար»:

Լրագրող Էմանուել Գրինշլանը շեշտում է, որ Բրյունո Լապրին, որը արդեն 15 տարի աշխատում է Ռուսաստանում «չի կարող տեղյակ չլինել երկրում քաղաքական իրավիճակի մասին և իշխանության ու բիզնեսի միջև հարաբերությունները կարգավորող օրենքների մասին» և ավելացնում. «Ռուսաստանի հետաքննչական մարմին բողոք ներկայացնելով երկրի ամենահայտնի ընդդիմադիր գործչի դեմ` Ив Роше կազմակերպությունը հայտնվում է պատմության մեջ անկանխատեսելի իրավիճակում, քանի որ Ռուսաստանը 2-րդ գլխավոր շուկան է կազմակերպության համար Ֆրանսիայից հետո: Կրեմլը հետապնդում է անհարմար ընդդիմադիր գործիչներին ինչպես ուղղակի հարկերի ձևով, այլև անուղղակի միջոցներով։ Երբեմն իշխանություններն ահաբեկում են ընդդիմադիր գործիչներին` առևանգելով նրանց երեխաներին»: