Ռուսաստանի դիրքորոշումը կարող է լինել կառուցողական 5+1 հանդիպումների շրջանակում. Սալեհի

«Ռուսաստանն ու Իրանը պետք է ձգտեն համագործակցել բոլոր ասպարեզներում»,-նշել է ԻԻՀ ԱԳ նախարար Ալի Աքբար Սալեհին Իրանի հեռուստատեսության և ռադիոյի ռուսական ծառայության հետ տրված հարցազրույցի ժամանակ: 

«Հաշվի առնելով արդի աշխարհում տեղի ունեցող արագ զարգացումները՝ մենք կարող ենք գալ եզրահանգման` մենք պետք է գանք քաղաքական փոխըմբռնման և ռազմավարական հարաբերություններ հաստատենք 2 երկրների միջև»,-այս մասին հայտնել է Սալեհին և ավելացրել. «Մենք ցանկանում ենք ուժեղ Ռուսաստանի և անկախ Իրանի գոյությունը: Ուժեղ Ռուսաստանն ու անկախ Իրանը կարող են այնպիսի հարաբերություններ հաստատել իրար հետ, որոնք կհամապատասխանեն 2 ժողովուրդների շահերին և տարածաշրջանային կայունությանը, նաև՝ խաղաղությանն ամբողջ աշխարհում»:

ԻԻՀ նախարարը նույնպես հայտարարել է, որ 5+1 խմբի շրջանակներում Ռուսաստանի դիրքորոշումը կարող է դառնալ կառուցողական` հույս հայտնելով, որ Ալմա-Աթայում հաջորդ հանդիպման ժամանակ դաշնակից երկրների օժանդակությամբ, ինչպիսին է Ռուսաստանը, բանակցային պրոցեսում առաջընթաց կարձանագրվի: Նա նաև արձանագրել է, որ 2 պետությունները Սիրիայի հարցում նման դիրքորոշում են որդեգրել: 

Նախարարը նաև նշել է, որ ռուսների օժանդակությամբ Իրանը չեր կարող կառուցել Բուշեհրի ատոմակայանը և զարգացնել ատոմային արդյունաբերություն: Նա նաև խորհուրդ է տվել ռուսական կազմակերպություններին ներդրումներ կատարել Իրանում, հատկապես՝ էներգետիկ դաշտում: