Մոսկվայում 40 հոգու մասնակցությամբ հրաձգությունից հայ է վիրավորվել (տեսանյութ)
Ռուսաստան
Մոսկվայի կենտրոնում գտնվող Օլիվա ռեստորանում փետրվարի 8-ին տեղի ունեցած փոխհրաձգության արդյունքում 2 ոտքից ծանր հրազենային վնասվածքներ է ստացել հայազգի 38-ամյա Արթուր Հակումյանը. գրում է Lifenews-ը: Ամերիկյան մարտաֆիլմերի ոգով տեղի ունեցած կրակահերթին մասնակցել էր 40 մարդ, որոնց այժմ որոնում է ոստիկանությունը: Փորձաքննության արդյունքում ռեստորանում հայտնաբերվել է ենթադրաբար ավտոմատ կարաբինից արձակված 18 փամփուշտ:
Հաքումյանն այժմ գնտվում է Սկլիֆոսովսկու անվան բժշկական կենտրոնում և արդեն ցուցմունք է տվել ոստիկանությանը: Նրա խոսքերով՝ ինքը հրաձգությանը ոչ մի մասնակցություն չի ցուցաբերել, այլ սովորական զոհ է: Արթուրը նշել է, որ ռեստորանում ինքն աղջկա էր սպասում, որին վիճակված չէր այդ օրը հանդիպել: Նրա խոսքերով՝ ինքը փախել է կրակոցների ժամանակ և վիրավորվել, ուստի ժամանակ չի ունեցել զննել իրեն կրակողներին կամ ճանաչել նրանց:
Այսուհանդերձ, Հաքումյանի նկատմամբ ներկայումս խիստ հսկողություն է սահմանվել: Հաքումյանը գործով ճանաչվելու է որպես հրաձգության մասնակից, թե՝ որպես պատահական վկա, պարզ կլինի հետաքննության ընթացքում:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
