Ռուսաստանում բժիշկները հայ տղամարդու մարմնից 2-մետրանոց խողովակ են հանել (տեսանյութ)

ՌԴ Կուշեվի շրջանի հիվանդանոցում հայտնված Ալեքսանդր Անտոնյանին բժիշկները ենթարկել են բավականին տաօրինակ վիրահատության: Տղամարդու կրծքավանդակից դուրս էր ցցվել 2մ 5սմ երկարություն ունեցող ջրատար խողովակ:

Պարզվում է, որ ծանր վնասվածքը տղամարդը ստացել է իր մեքենայով մայրուղով երթևեկելիս: Դիմացից շարժվող խողովակներ տեղափոխող բեռնատարից, որը ջրատար խողովակներ էր տեղափոխում, պոկվել էին խողովակներն ամրացնող պարանները և թափվել Անտոնյանի մեքենայի վրա:

«Ես միանգամից չհասկացա, թե ինչ է կատարվում,-պատմում է նա,-հանկարծ զգացի, որ ձեռքերս անշարժացել են: Ես չէի կարողանում շարժվել և միայն նայում էի, թե ինչպես է իմ մարմնից դուրս ցցվել այդ խողովակը: Ես փորձեցի այն դուրս բերել, սակայն կորցրի գիտակցությունս:

«Չնայած Անտոնյանի անգիտակից վիճակին, նրա սիրտը դեռ բաբախում էր այն պահին, երբ ժամանել էին ԱԻՆ փրկարարները: Նրա թոքերը ծակվել էին խողովակից, վնասվել էր լյարդը: Խողովակն անցել էր սրտից մի քանի մմ հեռավորության վրայով: Երբ մենք բացեցինք կրծքավանդակը, տեսանք, որ սիրտը բաբախում էր անմիջապես մետաղական խողովակի վրա»,-ասում են վիրահատող բժիշկները: Ողնաշարը չի տուժել, սակայն դրությունը բարդանում է չափից շատ կորցրած արյան պատճառով:

3 ժամ տևած վիրահատությունը հաջող է ընթացել: Ալեքսեյ Անտոնյանը հիվադանոցում անցկացրել է 2 շաբաթ: Այժմ սարսափելի ՃՏՊ-ի մասին նրան հիշեցնում են վիրակապն ու կարերը:

«Ես շնորհակալ եմ Աստծուն և բժիշկներին, որ ինձ 2-րդ կյանք պարգևեցին: Սա հրաշք է, որ ես ողջ եմ մնացել»,-ասում է Անտոնյանը:

Տեսանյութը`  այստեղ: