Առողջապահության ոլորտում մոտ 424 մլն դրամ ևս տնտեսվել է

Շինարարական աշխատանքների իրականացման և բժշկական սարքվորումների ձեռք բերման նպատակով 2012թ. օգոստոսից մինչև 2013 թ. փետրվար ամիսն ընկած ժամանակահատվածում ՀՀ առողջապահության նախարարության կողմից կազմակերպված մրցույթների արդյունքներով կնքվել է տասնյոթ պայմանագիր: Այս մասին հայտնում է ԱՆ լրատվական ծառայությունը։

Կնքված պայմանագրերի ընդհանուր արժեքը կազմել է ավելի քան երկուս ու կես միլիարդ՝ 2,507,187,511.52՝ նախատեսված 2,891,822.920 դրամի դիմաց: Ընդհանուր առմամբ, իրակացված մրցույթների արդյունքում տնտեսվել է շուրջ 424 մլն դրամ։ Տնտեսված գումարները կուղղվեն ՀՀ կառավարության ծրագրերի շրջանակներում առողջապահության ոլորտում նմանատիպ աշխատանքների իրականացմանը: