Մոսկվայում մեծ զայրույթ է առաջացրել Տեխասում որդեգրված ռուս երեխայի մահը

Ռուս չինովնիկները հայտարարել են, որ մահացած Մաքսիմ Կուզմինի հետ դաժան են վարվել, չնայած որ ԱՄՆ-ի իշխանությունները նշել են, որ հետաքննությունը դեռ ավարտված չէ: Այս մասին հայտնում է The Washington Post պարբերականը:

«Ռուսական ԶԼՄ-ները երեխայի մահը որակել են որպես սպանություն` ավելի գրգռելով հակամերիկյան տրամադրությունը»,- նշում են հոդվածի հեղինակներ Քեթի Լալին և Թարա Բահրամփուրը:

Պետդեպարտամենտը և ԱՄՆ-ի դեսպանատունը կոչ են արել զերծ մնալ մեկնաբանություններից մինչև հետաքննության ավարտը: «Սակայն եզրակացություններ են արդեն կատարվում այն մթնոլորտում, ուր ԱՄՆ-ն որպես սատանայական ուժ ներկայացնելը և ռուսական նացիոնալիզմի դրվատումը բերում է որոշակի քաղաքական շահեր»,- նշվում է հոդվածի մեջ:

Այսպես, Պսկով շրջանի նահանգապետ Անդրեյ Տուրչակը հայտարարել է, որ Ամերիկայում տեղի է ունեցել ոճրագործություն, և որ իշխանությունները ջանքեր են գործադրում հայրենիք վերադարձնել սպանված երեխայի փոքր եղբորը, ով որդեգրվել էր նույն ընտանիքի կողմից: 

Տեխասի դատաբժշկական վարչության ավագ քննիչ Շիրլի Ստենդֆորդը, ով մահվան օրը տեսել է երեխային, նշել է, որ նրա ձեռքերը և ոտքերը ծածկված են եղել տարբեր չափսերի կապտուկներով: «Դրանք տարբեր տեսակի կապտուկներ են եղել, որոնք արդեն գտնվելիս են եղել բուժման փուլում: Նա նաև ավելացրել է, որ կապտուկների պատճառը հնարավոր չի եղել պարզել: Հնարավոր է՝ ուղղակի երեխան վազելիս բախվել է տարբեր տեսակի առարկաների հետ:

Տեխասի երեխաների պաշտպանության ներկայացուցիչ Պատրիկ Կրիմինսը հայտնել է, որ իր վարչությունը ստուգումներ է անցկացնում, իսկ ոստիկանությունը` քրեական հետաքննություն: 

Հիշեցնենք, որ երեքամյա Մաքսիմ Կուզմինը մահացել էր Տեխասում հունվարի վերջին խորթ մոր կողմից տրված հոգեմետ դեղերի պատճառով: