Ռուսաստանից կապիտալի հոսքի 60%-ն անօրինական է եղել. ԿԲ

ՌԴ կենտրոնական բանկի ղեկավար Սերգեյ Իգնատևը նշել է, որ Ռուսաստանի մոտ 50 մլրդ դոլար կամ երկրի ՀՆԱ-ի 2.5%-ը 2012 թվականին ուղարկվել է արտասհամանյան կազմակերպություններ, որոնք հսկվում են մի խումբ մարդկանց կողմից: Այս մասին նշում է Reuters գործակալությունը:

Ռուսաստանի կենտրոնական բանկի` չորեքշաբթի օրվա բացահայտումները ցույց են տվել «Կրեմլի կապիտալիզմի» անօրինակությունը և կոռուպցիոն համակարգը, որը վերահսկվում է Վլադիմիր Պուտինի կողմից:

Իգնատևը նշել է, որ բոլոր այս հոսքերը ղեկավարվում են լավ կազմակերխված մի խումբ անձանց կողմից և հետաքննչական մարմինների ջանքերի միջոցով կարելի է պարզել, թե ում են պատկանում այդ կազմակերպությունները: Նա կոչ է արել բանկերին արագորեն փակել կասկածելի հաշվի համարները և իրավաբաններին խստացնել կազմակերպությունների գրանցման կանոնները: 

Իգնատևը նշել է, որ կարող է դրանք եղել են թմրանյութերի համար վճարներ, կաշառքներ և «ատկատներ» պետական պաշտոնյաներին և մենեջերներին մեծ գնումներ կատարելու համար, ինչպես նաև հնարավոր է հարկերից խուսափելու համակարգ է եղել:

Համաձայն Կենտրոնական բանկի ուսումնասիրությունների՝ 2012 թվականի անօրինական արտահոսքից 14 մլրդ դոլարը կապված է առևտրային գործողություններին, իսկ մնացած 35.1 մլրդ դոլարը «կասկածելի» կապիտալ փոխանցումներին: Այլ կերպ ասած, Ռուսաստանից դուրս բերված միջոցների 60%-ը անօրինական է կատարվել: