«Միայն նրանք են կառչում իշխանությունից, ովքեր վախենում են օրենքի առջև պատասխան տալուց».Անատոլի Պեխտին
Ռուսաստան
ՌԴ նախագահ Վլադիմիր Պուտինի «Միասնական Ռուսաստան» կուսակցության երկու պատգամավորներ հրաժարվել են իրենց խորհրդարանական մանդատներից: Այս մասին հայտնում է ИТАР-ТАСС գործակալությունը:
Կուսակցության հիմնադիր անդամներից մեկը՝ Վլադիմիր Պեխտինը հրաժարվել է իր մանդատից այն բանից հետո, երբ համացանցում հայտնվել է տեղեկատվություն, համաձայն որի՝ նա անշարժ գույք ունի ԱՄՆ-ում: Պեխտինը հրաժարվել է այդ մեղադրանքներից` նշելով, որ ինքը ոչ մի անշարժ գույք չունի ԱՄՆ-ում և որ դա պատկանում է իր որդուն`Ալեքսեին, ով մինչև հոր պատգամավոր դառնալը 1998 թվականին մեկնել է ԱՄՆ սովորելու, այնտեղ անցել աշխատանքի և գնել մասնավոր սեփականություն:
Իր հրաժարականի հայտարարության մեջ Պեխտինը նշել է, որ ինքը թույլ չի տա, որ ինչ-որ մեկի պատճառով հեղինակազրկվի կուսակցությունը, ինչպես նաև ավելացրել է, որ միայն նրանք են կառչում իշխանությունից, ովքեր վախենում են օրենքի առջև կանգնելուց:
Նշենք նաև, որ նման նախաձեռնությամբ էր հանդես էր եկել նաև մեկ այլ ներկայացուցիչ այս կուսակցությունից՝ միլիարդատեր Անատոլի Լոմակինը, որի կարողությունը Forbes-ը գնահատել էր 1.2 մլրդ դոլար:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
