Ռուսաստանը չի ոտնահարում նույնասեռականների իրավունքները. Լավրով

«Նույնասեռականություն քարոզելու վրա Ռուսաստանում դրված արգելքը ոչ մի կերպ չի ոտնահարում Ռուսաստանում նույնասեռականների իրավունքները»,-հայտարարել է արտգործնախարար Սերգեյ Լավրովը իր հոլանդացի գործընկեր Ֆրանս Թամերմանսի հետ համատեղ մամլո խորհրդակցության ժամանակ:

Նման կերպով ռուսական արտաքին քաղաքականության գերատեսչության ղեկավարը մեկնաբանել է հոլանդական ԱԳՆ-ի արձագանքն այն հարցին, թե Ռուսաստանում ընդունված այդ օրենքը սպառնում է խախտել մարդու հիմնարար իրավունքներն ու անհատի ազատությունները:

Լավրովը նշել է, որ Ռուսաստանը չունի ոչ մի ունիվերսալ համաեվրոպական պարտավորություն՝ թույլատրել իր տարածքում նույնասեռականության քարոզում: «Մենք չենք ցանկանում, որ քաղաքացիների մի որոշակի խումբ ազատորեն նույնասեռական արժեքներ քարոզի մեր երեխաների շրջանում»,-հայտարարել է նախարարը և հավելել, որ ԽՍՀՄ Քրեական օրենսգրքով նույնասեռականության համար նախատեսված պատիժը ՌԴ-ն չեղյալ է հայտարարել:

Նրա խոսքերով՝ Ռուսաստանում նույնասեռականները բացարձակորեն ազատ կարող են զբաղվել իրենց գործունեությամբ:

Նշենք, որ փետրվարի 25-ին Պետդուման օրենք էր ընդունել նույնասեռականությունը քարզելու արգելքի մասին: