Budweiser գարեջրի ընկերությանը դատի կտան ալկոհոլը ջրով բացելու համար

ԱՄՆ-ում գարեջրի սպառողները մեղադրել են խոշորագույն Anheuser-Busch-InBev գարեջրի ընկերությանը գարեջրին ջուր խառնելու համար: Նմանօրինակ կոլեկտիվ հայտեր է ներկայացվել միանգամից մի քանի ԱՄՆ-ի նահանգում, որոնց թվում՝ Կալիֆորնիան, Նյու Ջերսին, Փենսիլվանիան:

Փաստաթղթերում ասված է, որ գարեջուր արտադրող այս ընկերության տասնյակ գարեջրատեսակներում, այդ թվում՝ և Budweiser ապրանքանիշի գարեջրում, ալկոհոլի պարունակությունն ավելի քիչ է, քան նշված է պիտակների վրա: Մեղադրող կողմի փաստաբանը նշում է, որ այդ հանգամանքը պայմանավորված է նրանով, որ Anheuser-Busch-InBev ընկերության ամերիկյան գործարաններում գարեջրի արտադրության վերջին փուլում գարեջրի տարաների մեջ ջուր են ավելացնում: «Մենք այդ տեղեկությունը ստացել ենք գործարանի նախկին աշխատակիցներից:» Մեղադրող կողմը պահանջում է 5 մլն դոլար փոխհատուցում:

Ընկերության կենտրոնական գրասենյակից հերքում են այդ տեղեկությունները և դրանք անհիմն համարում: «Մեր գարեջուրն ամբողջովին համապատասխանում է օրենքով սահմանված ստանդարտներին»,-ասված է ընկերության փոխնախագահ Փիթեր Քրամերի հայտարարության մեջ. փոխանցում է Vesti.ru-ն: