Մոսկվայում ռուս-վրացական տնտեսական ֆորումը կկայանա ապրիլին

Մոսկվայում ապրիլի սկզբին կայանալու է ռուս-վրացական տնտեսական ֆորում: Ինչպես հայտնում են ռուս-վրացական տնտեսական համագործակցության կենտրոնից, դա 2006-ից ի վեր առաջին երկկողմ տնտեսական ֆորումն է լինելու. մեջբերում է Trend-ը:

Հանդիպմանը ռուսական կողմից կմասնակցեն հասարակական և մասնավոր կառույցների ներկայացուցիչները: Վրացական կողմը կներկայացնի Վրաստանի բանկերի ասոցիացիան, «Այրզենա» ավիաընկերությունը, տուրիստական ընկերությունների ներկայացուցիչներ և անկախ փորձագետներ:

Ֆորումի շրջանակներում կքննարկվեն այնպիսի թեմաներ, ինչպիսիք են «Վրաստանը՝ որպես տարածաշրջանում ցամաքային, ծովային և օդային փոխադրամիջոցային առանցքային հնագույց», «Ռուսաստանը՝ որպես գյուղատնտեսական ապրանքների արտահանման ռազմավարական շուկա»:

Հանդիպման ավարտին որոշում կկայացվի Թբիլիսիում կայանալիք հանդիպման մասին, որը, ենթադրաբար, կկայանա մայիսի վերջին: