Ռուսաստանը չի հանդուրժի, որ սիրիական ընդդիմությունը ՄԱԿ-ում զբաղեցնի Սիրիայի տեղը

Ռուսաստանը վճռականորեն դեմ է լինելու ՄԱԿ-ում Սիրիայի տեղը զբաղեցնելու սիրիական ընդդիմության բոլոր փորձերին. հայտարարել է ՄԱԿ-ում ՌԴ մշտական ներկայացուցիչ Վիտալի Չուրկինը. տեղեկացնում է Ruvr.ru-ն:

«ՄԱԿ-ը միջկառավարական կազմակերպություն է: Չի կարելի հենց այնպես վերցնել և այնտեղ ընդդիմադիր խմբավորումներ նստեցնել, որոնք չեն անցել օրինականացման անհրաժեշտ գործընթացները»:

ՄԱԿ-ում Սիրիայի տեղը զբաղեցնելու մտադրության մասին, որը այժմ պատկանում է Բաշար Ասադի կառավարության ներկայացուցիչներին, հայտարարել էր Սիրիայի ընդդիմադիր և հեղափոխական ուժերի ազգային կոալիցիայի ղեկավար Ահմեդ Մուազ ալ Խատիբը:

Ինքը՝ Ալ Խատիբը, ով մարտի 24-ին հայտարարել էր իր հրաժարականի մասին, փոխել է իր որոշումը, և պաշտոնում կմնա մինչև իր 6-ամսյա մանդատի լրանալը: