Կրկնակի սպանություն Նիկոլաեւում. Հայը դանակահարել է հսկիչին եւ հղի կնոջը
Ռուսաստան
Ուկրաինայի Նիկոլաեւ քաղաքում մարտի 25-ի գիշերը խաղային ավտոմատների սրահում հայը դաժանորեն դանակահարել է գանձապահ հղի կնոջը եւ հսկիչին, որոնց մարմիններին կտրող-ծակող գործիքով հասցված բազմաթիվ վերքեր են եղել:
«Նովոստի-N»-ը հայտնում է, որ կովկասցին մոտ հինգ հազար գրիվնա է տարվել: Նա գանձապահից ետ է պահանջել գումարը: Մերժում ստանալով՝ կովկասցին վերցրել է դանակը եւ սպանել գանձապահին եւ հսկիչին: Այս մասին գրում է news.am-ը:
35-ամյա հսկիչի մարմնին տասնյակից ավելի դանակի վնասվածք է եղել, աղջիկը չորս վերք է ունեցել որովայնի եւ տասնյակից ավելի՝ մեջքի հատվածում: Հղիության վերջին ամսում գտնվող գանձապահը սպանվել է հենց սրահում, հսկիչին գտել են միջանցքում: Ամենայն հավանականությամբ նա փողոց վազելու փորձ է կատարել, բայց չի հասցրել, գրում է «Նասլեդիեն»:
Սպանության կասկածյալը Հայաստանի քաղաքացի Էդգար Ն.-ն է, որն այդ սրահի խաղային ավտոմատների մշտական հաճախորդն էր: Նա վաստակում էր Ստալինգրադի հերոսների պողոտայում բանջարեղենի վաճառքի իր մի քանի կրպակներով: Այժմ կրկնակի սպանության մեջ կասկածվող տղամարդը ձերբակալվել է:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
