Բերեզովսկու՝ Պուտինին գրած նամակը չի հրապարակվի. Կրեմլ
Ռուսաստան
Ապրիլի 2-ին Կրեմլի աշխատակազմի ղեկավար Սերգեյ Իվանովը հայտարարել է, որ, ենթադրաբար, Բորիս Բերեզովսկու կողմից գրված և Պուտինին հասցեագրված նամակը ռուսական իշխանությունները չեն հրապարակի:
«Անձնական նամակները մենք չենք հրապարակում»,-հայտարարել է Իվանովը` հաստատելով, որ նամակն իրոք գոյություն ունի: Միաժամանակ, նա նշել է, որ ինքն անձամբ այդ նամակը չի տեսել: Պաշտոնյայի խոսքերով` այդ նամակը տեղ է հասել մի քաղաքացու միջոցով, և նրա գոյության մասին հայտնի է դարձել օլիգարխի մահվան օրը միայն:
ՌԴ նախագահ Վլադիմիր Պուտինի մամլո քարտուղարի խոսքերով` Բերեզովսկին իր նամակում ներողություն է խնդրել իր սխալների համար և պատմել է Ռուսաստան վերադառնալու իր երազանքի մասին:
Նշենք, որ այդ երազանքը նույնիսկ հետմահու իրագործել չի հաջողվի, քանի որ նրան հուղարկավորելու են Լոնդոնում. տեղեկացնում է РБК-ն:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
