ԵԽԽՎ համազեկուցողները կծանոթանան Ջավախքում տիրող իրավիճակին

Երկուշաբթի առավոտյան Եվրոպայի խորհրդի խորհրդարանական վեհաժողովի մոնիթորինգային հանձնաժողովի ներկայացուցիչներ, Վրաստանի հարցով համազեկուցողներ Մայքլ Աստրուպ Յենսենը (Դանիա) և Բորիս Ցիլևիչը (Լատվիա), 5-օրյա այցով ժամանել են Վրաստան. տեղելացնում է Грузия-Online-ը:

Ինչպես Թբիլիսիի օդանավակայանում հայտարարել են համազեկուցողները, իրենց նպատակն է ուսումնասիրել Վրաստանի խորհրդարանի կողմից ընդունված օրենքները և մոտիկից ծանոթանալ Ջավախքում տիրող իրավիճակին:

Ապրիլի 8-ին առաջին հանդիպումը նրանք կունենան Վրաստանի վարչապետ Բիձինա Իվանիշվիլիի հետ նրա նստավայրում:

Այցելության երկրորդ օրը ԵԽԽՎ մոնիթորինգային հանձնաժողովի անդամները կայցելեն Ջավախք, ուր հանդիպումներ կանցկացնեն Ախալքալաքում և Ախալցխայում: Ախալցխայում նրանք մասնավորապես կհանդիպեն տեղական ոչ պետական կազմակերպություների հետ: Պլանավորվում է նաև, որ նրանք կհանդիպեն Ջավախքում Վրաստանի ազգային պաշտպան Սեդա Մելքումյանի և Վրաստանի վերաինտեգրման հարցերով նախարարի ներկայացուցիչ Էդուարդ Աղասարյանի հետ:

5-օրյա այցելության ընթացքում համազեկուցողները կհանդիպեն նաև Ռուսաստանի հարցերով Վրաստանի փոխվարչապետ Զուրաբ Աբաշիձեի և Վրաստանի գերագույն դատարանի նախագահի և այլ բարձրաստիճան պաշտոնյաների հետ:

Այցելության ավարտին նրանք հանդես կգան մամլո խորհրդակցությամբ: