Կուզեի՝ FEMEN-ի աղջիկները ինձ երշիկ ցույց տային, ոչ թե իրենց բարեմասնությունները. Պուտին

Ռուսաստանի նախագահ Վլադիմիր Պուտինը խոստովանել է, որ ուկրաինական FEMEN շարժման աղջիկների բարեմասնություններն իր վրա շատ քիչ տպավորություն են թողել: Նրա խոսքերով`ակցիայի պահին ինքը շատ քաղցած էր, որպեսզի ուշադրություն դարձներ դրան և լուրջ վերաբերվեր կատարվածին: «Ինչ վերաբերում է ֆեմենուհիներին, ապա ասեմ, որ ես առավոտյան չէի հասցրել նախաճաշել: Եթե նրանք ինձ, ինչպես ասվում է հայտնի ֆիլմում, երշիկ ցույց տային, դա ինձ շատ կուրախացներ, իսկ ցուցադրված բարեմասնությունները` ոչ այնքան»,-նշել է Պուտինը Ամստերդամում կայացած մամլո խորհրդակցության ժամանակ: Ռուս նախագահը նկատի է ունեցել համանման դրվագը «Ծառայում էին 2 ընկեր» ֆիլմից:

Վլադիմիր Պուտինը նաև մեկնաբանել է Ամստերդամում նրան դիմավորած գեյ-շքերթը և կատակել` ասելով. «Փառք աստծո, որ նույնասեռականները գոնե չհանվեցին այստեղ»,-մեջբերում է РБК-ն: