ՀԵՀ աշխատանքային խմբի հերթական նիստը

ՀՀ սփյուռքի նախարարությունում տեղի ունեցավ Համահայկական երիտասարդական համաժողովի աշխատանքային խմբի հերթական նիստը: Նիստին մասնակցում էին Հայաստանում գործող համահայկական երիտասարդական կառույցների ներկայացուցիչներ, նախարարության Համահայկական ծրագրերի վարչության աշխատակիցներ: Քննարկվեցին ս.թ. ապրիլի 22-24 Երևանում կայանալիք համաժողովին առնչվող խնդիրներ, մանրամասն ներկայացվեց օրակարգը, թեմատիկ խմբերի քննարկումների ընթացակարգը: «Մենք կարևորում ենք համահայկական ու երիտասարդական կազմակերպությունների ներգրավվածությունը «Հայերենն իմ սրտում է» խորագրով համաժողովի կազմակերպման և իրականացման աշխատանքներում»,- ասաց համահայկական ծրագրերի վարչության պետ Ա. Մխիթարյանը:

Հայոց Ցեղասպանության զոհերի հիշատակի նախօրեին հրավիրվող համաժողովը նպատակ ունի նաև նպաստել հայ երիտասարդության համախմբանն ու Հայրենիք-Սփյուռք գործակցության ամրապնդմանը: Համաժողովի բացումը տեղի կունենա ՀՀ կառավարության նիստերի դահլիճում ապրիլի 22-ին՝ ժամը 10:00: