Պարտատոմսերի տեղաբաշխման աճուրդներ

Ապրիլի 22-ին տեղի են ունեցել 26 և 13 շաբաթ մարման ժամկետներով պետական (գանձապետական) կարճաժամկետ AMGT2621A134 և AMGT13227135 թողարկման պարտատոմսերի տեղաբաշխման աճուրդներ:

Տեղաբաշխման ենթակա AMGT2621A134 թողարկման պարտատոմսերի ծավալը 500 մլն դրամ է, իսկ պահանջարկը՝ 864 մլն դրամ, որից մրցակցային՝ 842 մլն դրամ, իսկ ոչ մրցակցային՝ 22 մլն դրամ: Պարտատոմսերի տեղաբաշխման ծավալը կազմել է 500 մլն դրամ:

Տեղաբաշխումից ստացված հասույթը կազմել է 478 245 986 դրամ: Տեղաբաշխման միջին կշռված եկամտաբերությունը 8.9974 տոկոս է, տեղաբաշխման սահմանային եկամտաբերությունը՝ 9.0497 տոկոս: Աճուրդին մասնակցել են 5 դիլեր և գանձապետական պահառուն: