Ամեն ինչ թանկացել է

Սպառողական գների ինդեքսը այս տարվա հունվարի 102.6%-ից աստիճանաբար աճելով ապրիլին դարձել է 103.9%. մայիսի 7-ին ազգային վիճակագրական ծառայությունը հրապարակել է հունվար-ապրիլի տվյալները: Ըստ այդմ՝ բուժսպասարկման ու դեղորայքի գների ինդեքսը՝ հունվարի 108.2%-ից աճել է մինչեւ 110.6%, ոգելից խմիչք-ծխախոտ 104.7%-ից դարձել է 105.8%, իսկ տրանսպորտի եւ կապի ինդեքսը նվազել է՝ 101.2%-ից 99.3%: Այս մասին գրում է aravot.am-ը:
 Նվազել է նաեւ մշակույթի ապրանքների եւ ծառայությունների գները՝ 104.9%-ից 104.4%:

 Ըստ վիճծառայության՝ հացամթերքի ինդեքսը հունվարին եղել է 111.1%, որը ապրիլին նվազել է՝ 110.5%, իսկ մսամթերքը թանկացել է՝ հունվարի այս պարենային ապրանքի գնային ապրանքի ինդքեսը եղել է 103.5%, իսկ ապրիլին՝ 104.1%, ձկնամթերքը նույնպես բավականին թանկացել է, հունվարին գնային ինդեքսը՝ 98.4% էր, ապրիլին՝ 102.3%: Բավականին մեծ գնաճ է արձանագրվել կաթնամթերքի, ձվի, կենդանական եւ բուսական յուղի եւ մրգի շուկայում: 

Այսպես՝ հունվարին ձվի ինդեքսը կազմել է 100.8% 2 ամիս անց այն դարձել է՝ 113.6%, իսկ կանթնամթերքը՝ 97.3%-ից 101.9% է դարձել, կենդանական եւ բուսական յուղ՝ 104.4 %-ից 111.6%-ի է հասել, միրգը՝ 101.9%-ից 114.9%: Ընդ որում, հունվարից մինչեւ ապրիլ տղամարդկանց, կանանց եւ մանական հագուստի գները նվազել են, իսկ կոշկեղենն ու դրա վերանորոգման գները բարձրացրել: Ըստ վիճծառայության սպառողական գների ինդեքսի, հունվարից ապրիլ 470 ապրանքների եւ ծառայությունների մեծ մասի գները բարձրացել են:

Նելլի Բաբայան