Կիվիրյանը՝ Բաղրամյան 26-ի գործով

Վերլուծաբան Արգիշտի Կիվիրյանը հաղորդագրություն է տարածել, որտեղ նշված է.

«Սիրելի ընկերներիս և լրագրողներին տեղեկացնեմ, որ հունվարի 21-ին, ժամը 14:00 Հայաստանի վարչական դատարանում (Գարեգին Նժդեհի 23, դատավոր Ռ. Խանդանյան) կայանալու է ՀՀ ոստիկանության հայցն ընդդեմ ինձ՝ Արգիշտի Կիվիրյանի, վարչական պատասխանատվության ենթարկելու մասին:

Խոսքը գնում է սեպտեմբերի 4-ին ընդդեմ Մաքսային միության դեմ Բաղրամյան 26-ի դիմաց կայացած ցույցին: Համատեղ պայքարենք ոստիկանության ապօրինությունների դեմ՝ սա մեր երկիրն է, այլ ոչ թե ոստիկանապետություն...»։