Պորոշենկոն հայտարարել է մեկ շաբաթվա ընթացքում արևելքում հրադադար հաստատելու որոշման մասին

Ուկրաինայի նախագահ Պյոտր Պորոշենկոն հայտարարել է, որ Դոնբասում հնարավոր է հրադադար հայտարարվի մեկ շաբաթվա ընթացքում: «Իմ կողմից Ուկրաինայի զինված ուժերին, Ազգային գվարդիային, Սահմանապահ զորքերին հրադադարի հաստատման հրաման կտրվի»,- ասել է Պորոշենկոն' հանդես գալով Ազգային գվարդիայի հակաահաբեկչական կենտրոնի զինծառայողների առջև:

«Ինտերֆաքսի» հաղորդմամբ' Պորոշենկոն մտադիր է հրադադարի հրաման ստորագրել մեկ շաբաթվա ընթացքում: «Նրանք, ովքեր մեկ շաբաթվա ընթացքում զինաթափ չլինեն'պետք է ոչնչացվեն»,- ընդգծել է նախագահը: