«Թուրքիան մարդկանց առևտրի աղբյուր և տարանցիկ երկիր է». ԱՄՆ պետքարտուղարության զեկույց

ԱՄՆ-ի պետքարտուղարության 2014 թվականի մարդկանց առևտրի վերաբերյալ զեկույցում Ադրբեջանի անունը նշվել է մարդկանց առևտրի զոհ դարձնող երկրների շարքում:

Ինչպես հաղորդում է AzVizion.az լրատվական կայքը, 4 խմբի բաժանված երկրների մասին զեկույցում Թուրքիան նշվել է երկրոդ խմբում: Այդ երկիրը ԱՄՆ պետքարտուղարությունը գնահատել է որպես աղբյուր և տարանցիկ երկիր' կանանց, երեխաների և տղամարդկանց մարմնավաճառության և ապօրինի աշխատանքային գործունեության հարկադրելու առումով:

Զեկույցում ասվում է, որ Թուրքիայում մարմնավաճառության ենթարկվածները հիմնականում Ադրբեջանի, Ղրղզստանի, Թուրքմենստանի, Ուզբեկստանի, Տաջիկստանի, Ղազախստանի, Վրաստանի, Բանգլադեշի, Մոլդովայի, Բելառուսի, Ռուսաստանի և Ուկրաինայի քաղաքացիներ են:

Զեկույցում նաև նշվել է, որ թեև արտասահմանցի քաղաքացի կանանց տնային աշխատանքներ և երեխա խնամել է առաջարկվել, սակայն, երկիր հասնելուն պես նրանց ձեռքից վերցվում են փաստաթղթերը և հարկադրում մարմնավաճառության: Նշվում է, որ մարմնավաճառության մեջ ներքաշվում են նաև Թուրքիայի քաղաքացի կանայք: