Պորոշենկոյի «B ծրագիրը»

Ուկրաինայի նախագահ Պյոտր Պորոշենկոն հայտարարել է «B ծրագիր» ունենալու մասին, եթե անարդյունավետ լինի նրա՝ երկրի արևելքում ճգնաժամի խաղաղ կարգավորման «A ծրագիրը»։ Այս մասին հայտնում է ria.ru-ն։

«Խաղաղ սցենարը հիմնականում հենված է «A ծրագրի վրա», բայց նրանք, ովքեր ակնկալում են օգտագործել բանակցային գործընթացը միայն ժամանակ շահելու նպատակով, պետք է իմանան, որ մենք ունենք նաև «B մանրակրկիտ ծրագիրը»։  Ես չեմ խոսի այժմ այդ ծրագրի մասին, քանի որ կարծում եմ, որ խաղաղության առաջին ծրագիրը կաշխատի»,- ասել է Պորոշենկոն։

Նշենք, որ Պորոշենկոյի՝ Ուկրաինայի արևելքում ճգնաժամի խաղաղ կարգավորման ծրագիրը բաղկացած է 14 կետից, ըստ որոնց՝ Դոնեցկի և Լուգանսկի ներկայացուցիչներին առաջարկվում է սահմանադրական փոփոխություններով երաշխավորել իշխանության ապակենտրոնացումը: