Փարիզում Եվրամայդանի «գաղտնիքների» մասին գիրքը թեժ քննարկումների առիթ է դարձել

Ռուս քաղաքական վերլուծաբան Ալեքսեյ Կոթչետկովը և հոգեբան Ստանիսլավ Բիշոկը Փարիզում ներկայացրել են Ուկրաինայում արմատական ազգայնականության պատմության մասին գիրք, որը կոչվում է «Neonazis & Euromaidan: From Democracy to Dictatorship» («Նեոֆաշիզմը և Եվրամայդանը. ժողովրդավարությունից՝ մինչև բռնապետության»): Այս մասին հայտնում է ria.ru-ն:

«Մենք պետք է հասկանանք, որ Ուկրաինայի իրադարձությունները բավականին խոր արմատներ ունեն և սկսվել են ոչ թե Եվրամիության հետ ասոցացման համաձայնագրի չստորագրումից, այլ Ուկրաինայի անկախության հայտարարման պահից»,-ասել է Բիշոկը:

«Neonazis & Euromaidan: From Democracy to Dictatorship» գիրքը թեժ քննարկումների, զայրույթի և բողոքի դրսևորումների է հանգեցրել: Գրքի շնորհանդեսն անցել է խիստ լարված մթնոլորտում, քանի որ միջոցառմանը հիմնականում ռուսներ և ուկրաինացիներ են եղել, իսկ ֆրանսիացիները փոքրամասնություն են կազմել:

Ուկրաինական ազգայնական ընդհատակի գործունեության մասին նյութերի և վկայությունների հավաքման աշխատանքը նախաձեռնվել է 2013 թվականի վերջին երկրում արյունահեղության և հակակառավարական ելույթների սկսվելուց շատ առաջ:Գրքի 400 էջում նկարագրված են Ուկրաինայի ազգայնական կուսակցությունների պատմության զարգացումը, մասնավորապես, «Ազատության» և «Աջ հատվածի»:

«Աջ հատված» նեոնացիստական բանդերական շարժումն իր մասնակցությունն ունեցավ «Ազատություն» կուսակցության հետ հատուկ համագործակության և ռազմական գործողություններում՝ Ուկրաինայում իրականացնելով իշխանափոխություն: