Ֆրանսիան հանդես է եկել միջազգային հաշվարկներում դոլարի գերիշխանության դեմ

Ֆրանսիայի ֆինանսների նախարար Միշել Սապենը հանդես է եկել միջազգային հաշվարկների համակարգում դոլարի գերակշռության դեմ: Այդ մասին, ինչպես տեղեկացնում է «Արմենպրես»-ը, գրել է Financial Times թերթը: Նա կոչ է արել փոխել այն արժույթների հաշվեկշիռը, որոնք օգտագործվում են գլոբալ վճարումների բնագավառում՝ նշելով, որ Ֆրանսիայի BNP Paribas SA բանկի հետ տեղի ունեցած դեպքը կառավարությանն ազանշան է տվել տարբեր արժույթներ օգտագործելու անհրաժեշտության մասին:

Ինչպես հաղորդվել է, BNP Paribas-ն ընդունել է իր մեղքն այն պատժամիջոցների խախտման գործով, որոնք ԱՄՆ-ի իշխանությունները սահմանել են Իրանի, Կուբայի և Սուդանի դեմ, և համաձայնել է վճարել տուգանք 8,97 միլիարդ դոլարի չափով: Բացի դրանից, բանկը պարտավորվում է հրաժարվել 13 ղեկավարների ծառայություններից, նաև նավթի-գազի սեգմենտում ֆինանսական գործառնությունների նրա դոլարային հաշվանցումներում կդրվի արգելք՝ մեկ տարի ժամկետով:

Ֆրանսիայի քաղաքական գործիչները փորձել են պաշտպանել երկրի խոշորագույն բանկի շահերը՝ հայտարարելով, թե BNP Paribas-ը չի խախտել եվրոպական կանոնները, և դա բանավեճեր է առաջացրել այն բանի շուրջը, որ բանկը դարձել է արդարադատության ամերիկյան համակարգի զոհը, հաղորդել է «Ինտերֆաքս»-ը: