Աբխազիան Կիևին նախազգուշացրել է Սահակաշվիլիին, որպես խորհրդականի, աշխատանքի մեջ չներգրավել
Աշխարհ
Աբխազիան Կիևին նախազգուշացրել է Վրաստանի նախկին նախագահ Միխեիլ Սահակաշվիլիին՝ որպես խորհրդականի, աշխատանքի ներգրավելուց: Այդ մասին տեղեկացնում է «Արմենպրես»-ը, հայտնել է Աբխազիայի ԱԳ նախարարությունը:
Սահակաշվիլին, որը Վրաստանի նախագահի պաշտոնն զբաղեցրել է 2004-2008 թվականներին, հրավիրված է եղել Ուկրաինայի նախագահ Պյոտր Պորոշենկոյի պաշտոնակալության արարողությանը, որը տեղի է ունեցել հունիսի 7-ին Կիևում: Ավելի վաղ ՈՒԴԱՌ կուսակցության առաջնորդ Վիտալի Կլիչկոն հայտարարել էր, թե հնարավոր է, որ Սահակաշվիլին նշանակվի նորընտիր նախագահի խորհրդականներից մեկը: Նույն այդ ժամանակ էլ Պորոշենկոն ասել էր, որ դեռևս Սահակաշվիլիին չի առաջարկել իր խորհրդականի պաշտոնը: Իսկ հուլիսի սկզբին Ուկրաինայի ներքին գործերի նախարար Արսեն Ավագովը Կիևում գտնվող Սահակաշվիլիին պատմել էր Ուկրաինայի արևելքում իրականացվող ուժային գործողության ընթացքի մասին:
«Կիևի կողմից վրացի սնանկացած քաղաքական գործչին՝ Մ.Սահակաշվիլիին, որպես «բոլոր հարցերով խորհրդականի», աշխատանքի ներգրավելը կարող է հանգեցնել (Ուկրաինայի իրադրության կապակցությամբ) միջազգային հանրակցության խաղաղարար ջանքերի լիակատար ձախողման»,-ասված է Աբխազիայի արտաքին գործերի նախարարության հայտարարության մեջ, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
