Հարձակում Թուրքիայի նախագահի թեկնածուի շտաբի վրա
Աշխարհ
Անհայտ անձինք զինված հարձակում են գործել քրդամետ «Ժողովուրդների դեմոկրատական կուսակցության» (HDP) կողմից Թուրքիայի նախագահի թեկնածու առաջադրված Սալահեթդին Դեմիրթաշի՝ Ստամբուլի Քյուչյուկչեքմեջեի շրջանում գտնվող ընտրական շտաբի վրա:
Ինչպես հաղորդում է «Արմենպրես»-ը՝ վկայակոչելով թուրքական DemokratHaber լրատվական կայքը, HDP-ն այդ հարձակումը «ռասիստական» է բնութագրել:
«Այդ ռասիստական, ֆաշիստական հարձակումները չեն խոչընդոտելու երկրում հաշտության, ժողովրդավարության, ազատության հաղթանակին», -միջադեպի առնչությամբ արած հայտարարության մեջ նշել է HDP-ն:
HDP-ն կոչ է արել թուրքական հասարակությանը միանալ նախագահի թեկնածուի ընտրական գրասենյակի վրա զինված հարձակումը դատապարտելու վերաբերյալ իրենց կողմից պատրաստվող հայտարարությանը: HDP-ն թուրքական իշխանություններին կոչ է արել ապահովել ընտրությունների անվտանգությունը երկրում: ՀԴՊ-ն նաև հայտնել է, որ հետևողական է լինելու հանցագործներին հայտնաբերելու և պատասխանատվության ենթարկելու հարցում:
Նշվում է, որ զինված հարձակման ժամանակ վիրավորներ և տուժածներ չկան:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
