Այրվել է 40 նավթամբար և պայթել՝ 12 ավտոմեքենա Թբիլիսի Gulf նավթաբազայում տեղի ունեցած հրդեհի հետևանքով

Թբիլիսիում Gulf ընկերության նավթաբազայում տեղի ունեցած հրդեհի հետևանքով այրվել է մինչև 40 նավթամբար և պայթել 12 ավտոմեքենա: Այս մասին, ինչպես տեղեկացնում է «Արմենպրես»-ը՝ հղում անելով «Գրուզիա Online»-ին, հայտարարել է հանրապետության արտակարգ իրավիճակների վարչության ծառայության ղեկավար Թեմուր Գիորգաձեն: Նրա խոսքով՝ Թբիլիսիի Գլդանիի շրջանը խուսափել է աղետից, քանի որ եթե նավթամբարները պայթեին, դրանք կընդգրկ եին շրջանի ամբողջ տարածքը:

«Աղետը կարող էր ավելի ընդգրկուն լինել: Փրկարարական խմբերից մեկը կարողացել է կասեցնել նավթամբարի պայթյունը: Սպառնալիք կար, որ կրակը կտարածվի նաև այլ ավտոմեքենաների վրա: Պայթյունից 5 րոպե անց ժամանել է հրշեջ ծառայության առաջին ավտոմեքենան: 40 րոպե հետո հրդեհը տեղափակվել է»,- հայտարարել է Գիորգաձեն:

Նա նշել է, որ ինքն առայժմ տեղեկատվություն չունի պայթյունի պատճառների մասին: Նրա խոսքով՝ արդեն հետաքննություն է տարվում:

Հրդեհի հետևանքով նավթաբազայում թեթևակի տուժել է մեկ մարդ: Բժիշկները նրան օգնություն են ցույց տվել տեղում: