Ստերլիգովը Ղարաբաղին առաջարկել է անցնել ոսկյա և արծաթյա մետաղադրամների
Հասարակություն
Ռուս գործարար Գերման Ստերլիգովն առաջարկում է ոսկյա և արծաթյա դրամներ դնել ԼՂՀ-ի շրջանառության մեջ, հայտնում է Вести-ն:
«Ղարաբաղը նման նախագիծ իրականացնելու համար երեք անհրաժեշտ բաղկացուցիչներ ունի: Նախ ոսկու առկայություն, երկրորդ՝ Ղարաբաղը չճանաչված հանրապետություն է, հետևաբար նրան չեն կապում միջազգային բանկիրների ու ԱՄՆ դաշնային պահուստային համակարգի սահմանափակումները»,- ասել է Ստերլիգովը:
Բացի այդ, նրա խոսքով, տվյալ նախագծի իրագործմանը կօգնի հայկական սփյուռքի առկայությունը, որը կարող է օգտագործել ոսկյա և արծաթյա դրամը որպես ներքին վճարման համակարգ սփյուռքի անդամների համար:
«Ղարաբաղի համար ամենամեծ եկամուտը կապահովեն նումիզմատները, որոնց թիվն աշխարհում մոտ 6 մլն է, այդ թվում 600 հազարը դրանով զբաղվում է պրոֆեսիոնալ մակարդակով: Այսպիսով, եթե հիմք ընդունենք միայն պրոֆեսիոնալներին, ապա Ղարաբաղի համար երաշխավորված է ոսկյա և արծաթյա մետաղադրամների սպառումը 24-75 մլն դոլարի չափով՝ ԼՂՀ նախագահի կողմից ոսկյա դրամների թողարկումը թույլատրող հրամանագրից հետո առաջին կես տարում»,- ընդգծել է գործարարը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
